Mae Duges Sussex yn dweud ei bod wedi "torri ei chalon" ar ôl i'w chi, Guy, farw.

Mewn neges ar Instagram fe ddywedodd Meghan ei bod wedi "crio gormod o ddagrau" dros Guy a'i fod wedi "llenwi ei bywyd mewn ffyrdd wnei di byth wybod".

Fe wnaeth y Dduges fabwysiadau'r ci o ganolfan achub yng Nghanada yn 2015.

Dywedodd yn y neges bod y ci wedi bod "gyda hi trwy bopeth" ers iddi ei fabwysiadu.

"Dwi wedi crio gormod o ddagrau i gyfri - y math o ddagrau sydd yn gwneud i chi fynd i'r gawod gyda'r gobaith hurt y bydd y dŵr ar eich wyneb rhywsut yn gwneud i chi beidio eu teimlo nhw neu esgus nad ydyn nhw yno. Ond maen nhw yno. Ac mae hynny yn oce," meddai.

Does dim manylion am sut y buodd y ci farw na phryd. 
 

Llun: Cyfrif Instagram Duges Sussex