Mae’r Swyddfa Dywydd wedi cyhoeddi rhybudd melyn am rew i’r gogledd allai arwain at oedi i drafnidiaeth. 

Maen nhw’n annog unigolion i gynllunio o flaen llaw gan wirio amserlenni bysys a threnau os ydyn nhw yn bwriadu teithio. 

Maen nhw’n dweud y dylai pobl hefyd gadw golwg ar yr amodau ar y ffyrdd. 

Mae’r Swyddfa Dywydd hefyd wedi rhybuddio y gallai rhai pobl ddioddef anafiadau pe bai nhw'n llithro ar balmentydd. 

Y cyngor yw bod yn wyliadwrus ac i gerdded neu seiclo ar hyd y prif ffyrdd er mwyn ceisio osgoi’r rhew. 

Bydd y rhybudd melyn am rew mewn grym tan 12.00 ddydd Mercher gan effeithio ar y siroedd canlynol: 

• Conwy
• Sir Ddinbych
• Sir y Fflint 
• Gwynedd
• Wrecsam