Mae cyfrifon banc dyn aeth ar ffo o'r awdurdodau yn yr UDA am 20 mlynedd cyn iddo gael ei ddal yng ngogledd Cymru wedi cael eu rhewi gan y llys.

Cafwyd hyd i Daniel Andreas San Diego, dyn 46 oed a oedd ar restr ‘Most Wanted’ yr FBI, ym Maenan ger Llanrwst yn Sir Conwy, lle’r oedd wedi prynu tŷ yno y llynedd.

Mae wedi ei amau o fod wedi gadael dau fom mewn dau adeilad yn San Francisco yng Nghaliffornia yn 2003.

Ymddangosodd San Diego yn Llys Ynadon Llandudno drwy gyswllt fideo o Garchar HMP Belmarsh yn Llundain.

Gofynnodd yr heddlu am orchymyn rhewi cyfrif am ddeuddeg mis ar gyfer arian a gedwir yng nghyfrifon Banc Lloyds yn y DU tra bod ymholiadau pellach yn cael eu gwneud.

Dywedodd ymchwilydd ariannol yr heddlu fod y cyfrifon yn enw Danny Webb, sydd bellach yn cael ei adnabod fel San Diego.

Roedd gan dri chyfrif gyfanswm o fwy na £20,000.

Mae San Diego yn y ddalfa, ac yn aros i gael ei gymryd i’r Unol Daleithiau.

Caniataodd y barnwr rhanbarth Gwyn Jones gais yr heddlu am orchymyn rhewi cyfrifon.