Eich lluniau chi o oleuadau'r gogledd ar draws Cymru ar ddydd Calan

3 diwrnod yn ôl

Roedd storm solar yn golygu bod goleuadau'r gogledd yn disgleirio ar ddydd Calan.

Cafodd yr awyr ei liwio'n binc a phiws gan yr auora borealis mewn sawl rhan o Gymru nos Fercher.

Aled Hughes, Tregaron — Goleuadau'r gogledd yn Nhregaron, Ceredigion. Llun: Aled Hughes

Y llynedd oedd un o'r blynyddoedd gorau ar record ar gyfer gweld goleuadau'r gogledd yng Nghymru.

Mae hyn oherwydd bod y gylchred solar 11 mlynedd o hyd wedi cyrraedd ei uchafbwynt wrth i faes magnetig yr haul gyfnewid lle rhwng pegynnau'r de a'r gogledd.

Yn ystod uchafbwynt y gylchred, mae'r haul yn tanio gyda fflachiadau llachar a ffrwydradau solar, sydd yn golygu bod goleuadau'r gogledd yn cael eu gweld yn amlach.

Dechreuodd y ffrwydradau solar a achosodd y rownd ddiweddaraf o oleuadau llachar yn yr awyr pan ffrwydrodd smotyn haul enfawr ar wyneb yr haul 93 miliwn o filltiroedd (150 miliwn cilometr) i ffwrdd.

Nid oes disgwyl i'r goleuadau gael eu gweld mor aml yn y blynyddoedd nesaf, ond erbyn tua 2035/36 bydd y gylchred ar ei uchafbwynt eto.

Dyma gasgliad o'ch lluniau chi o oleuadau'r gogledd nos Fercher: