Mae ffyrdd oedd ar ar gau yng nghanol Caernarfon nos Sul bellach wedi ail agor wedi i ran o adeilad ddymchwel yn y dref.

Cyhoeddodd yr heddlu nos Sul bod Ffordd y Bont Bridd a Ffordd y Goron ar gau.

Cyhoeddodd Heddlu'r Gogledd ddiweddariad fore Llun yn nodi bod y ffyrdd wedi ail-agor.

Ac maen nhw wedi diolch i'r cyhoedd am eu hamynedd.

Yn ôl un llygad dyst oedd mewn bwyty cyfagos, fe gafodd y ffyrdd eu cau gan fod pryder y gallai rhannau eraill o'r adeilad ddymchwel i'r ffordd gerllaw.

Nid oes adroddiadau bod unrhyw un wedi ei anafu.