Mae Toby Booth wedi gadael ei rôl fel Prif Hyfforddwr rhanbarth rygbi'r Gweilch.

Bydd Mark Jones yn ymgymryd â rôl y Prif Hyfforddwr ar unwaith, meddai’r rhanbarth mewn datganiad ddydd Mawrth.

Roedd disgwyl i’r prif hyfforddwr adael ar ddiwedd y tymor ond mae’n gwneud hynny ddyddiau yn unig cyn gêm ddarbi gartref yn erbyn y Scarlets.

Collodd y Gweilch 59-15 i Montpellier yn y Cwpan Her ddydd Sadwrn, eu colled fwyaf erioed yn Ewrop.

“Hoffai’r Gweilch ddiolch i Toby am ei ymrwymiad a’i gyfraniadau i’r clwb yn ystod ei gyfnod wrth y llyw a dymuno’r gorau iddo yn ei ymdrechion i’r dyfodol,” meddai llefarydd ar ran y rhanbarth.

Ymunodd Toby â’r Gweilch fel Prif Hyfforddwr yn 2020. 

Yn ystod ei gyfnod yn y swydd, enillodd Darian Gymreig yr URC yn 2021/22 a 2023/24. 

Arweiniodd y Gweilch i rowndiau Chwarterol Cwpan Her EPCR a gemau ail gyfle'r URC yn nhymor 2023/24.

Llun: Toby Booth a Mark Jones.