Gallai ffordd rhwng Dolgellau a Machynlleth fod ar gau am bron i wythnos oherwydd tir ansefydlog ar ôl Storm Darragh.

Mae disgwyl i’r ffordd rhwng Corris a Minffordd fod ar gau i’r ddau gyfeiriad nes ddydd Iau'r wythnos nesaf, yn ôl Traffig Cymru.

O ganlyniad mae’n rhaid i yrwyr rhwng Dolgellau a Machynlleth yrru’r 20 milltir dros Fwlch yr Oerddrws drwy bentref Mallwyd.

Image

Dywedodd Llywodraeth Cymru fod y ffordd ar gau am “resymau diogelwch” oherwydd “cyflwr y tir ansefydlog uwchben y ffordd”.

Bydd diweddariadau ar wefan Traffig Cymru a’u cyfryngau cymdeithasol meddai llefarydd.