Mae dyn 38 oed wedi ymddangos yn y llys wedi ei gyhuddo o ymosodiad rhyw ar ddynes a’i hanafu'n fwriadol mewn ysbyty yng ngogledd Cymru.

Cafodd Heddlu’r Gogledd eu galw i Ysbyty Glan Clwyd ym Modelwyddan nos Fawrth.

Fe wnaeth Lee James Cullen o Ffordd yr Eglwys, Fflint, wadu’r cyhuddiadau yn ei erbyn pan ymddangosodd gerbron Ynadon Llandudno.

Cafodd ei gadw yn y ddalfa tan fis Ionawr pan fydd disgwyl iddo ymddangos gerbron Llys y Goron Yr Wyddgrug.

Ni wnaeth cyfreithiwr Mr Cullen, Nia Dawson, unrhyw gais am fechnïaeth.

Ni chafodd manylion llawn y cyhuddiadau eu cyflwyno.