Mae cwmni Rightmove wedi enwi'r lle gorau i fyw yng Nghymru.

Trefynwy yn Sir Fynwy sy'n ennill y wobr yn ôl rhestr 'Lleoedd Gorau i Fyw' y cwmni eiddo.

Roedd yr astudiaeth wedi holi dros 35,000 o bobol ym Mhrydain am sut maen nhw'n teimlo am eu hardal.

Cafodd pobol eu holi am ffactorau fel fforddiadwyedd eu hardal, ac argaeledd gwasanaethau hanfodol fel ysgolion.

Yn ogystal â Threfynwy, mae pum lleoliad arall yng Nghymru hefyd wedi eu henwi ar y rhestr eleni.

Yn ôl Rightmove, tref Llandudno yng Nghonwy yw'r ail le gorau i fyw yng Nghymru.

Yn y trydydd safle mae tref Cei Newydd yng Ngheredigion, gyda thref Llandrindod ym Mhowys yn bedwerydd.

Ynys Môn yw'r pumed lle gorau i fyw yng Nghymru.

Tref Woodbridge yn Suffolk enillodd y wobr ar gyfer y lle gorau i fyw ar draws y Deyrnas Unedig yn ei chyfanrwydd.

Dywedodd Rightmove fod ei hastudiaeth yn awgrymu mai trigolion yng Nghymru, yr Alban a de orllewin Lloegr sydd fwyaf hapus gyda lle maent yn byw.

Trigolion yn nwyrain a gorllewin canolbarth Lloegr yw'r lleiaf hapus, meddai'r cwmni.

Llun: James Stringer / Flickr