Mae dyn lleol 36 oed wedi cael ei arestio ar ôl digwyddiad yng Nghriccieth yng Ngwynedd brynhawn Mawrth. 

Derbyniodd yr heddlu adroddiadau o bryderon yn lleol bod dyn yn cario arf yn ardaloedd Llanystumdwy a Chriccieth ychydig cyn 14:00. 

Wedi ymholiadau, fe gafodd dyn lleol 36 oed ei arestio ar amheuaeth o droseddau yn erbyn y drefn gyhoeddus.

Nid oedd ganddo arf yn ei feddiant. 

Dywedodd yr Arolygydd Jamie Owens: "Hoffwn ddarbwyllo'r gymuned leol mai digwyddiad unigol oedd hwn ac nad oes yna unrhyw bryderon parhaus. 

"Ni chafodd unrhyw arfau eu darganfod, ac mae'r dyn yn parhau yn y ddalfa tra mae ymholiadau yn parhau."

Mae'r heddlu yn annog unrhyw un â gwybodaeth i gysylltu â nhw gan ddefnyddio'r cyfeirnod Q174601.