Mae’r heddlu yn apelio am wybodaeth wedi i ddau berson gael eu hanafu mewn gwrthdrawiad ar yr A55 yng ngogledd Cymru.

Fe ddigwyddodd y gwrthdrawiad ar ffordd orllewinol yr A55 yn Sir y Fflint tua 19.10 nos Sul.

Digwyddodd y gwrthdrawiad, a oedd yn cynnwys Audi A3 arian, wrth gyffordd Lôn Pinfold ger Neuadd Llaneurgain.

Gadawodd y cerbyd y ffordd cyn gwrthdaro â choed ar ochr arall y gyffordd, gan achosi anafiadau i'r gyrrwr a'r teithiwr, meddai Heddlu’r Gogledd.

Maen nhw’n gofyn i unrhyw un sydd â gwybodaeth, neu sydd â lluniau camera dashfwrdd perthnasol, i roi gwybod drwy 101 neu eu gwefan, gan ddyfynnu cyfeirnod 25001040907.