Bydd y tywydd gaeafol yn parhau ar draws rhannau helaeth o Gymru ddydd Mercher.

Roedd dros 140 o ysgolion ar gau yn y gogledd ddwyrain a'r canolbarth o achos yr eira ddydd Mawrth.

Roedd rhai ffyrdd hefyd ar gau a rhybudd am amodau gyrru gwael yn y gogledd-ddwyrain.

Fe fydd rhybudd melyn am eira a rhew, a rhybudd ar wahân am rew yn unig, mewn grym rhwng 00:00 a 10:00 ddydd Mercher ar draws nifer o siroedd. 

Mae'r Swyddfa Dywydd hefyd wedi rhybuddio y gallai rhew effeithio ar ddiogelwch cerddwyr ar y ffyrdd, palmentydd a llwybrau beicio sydd heb eu trin.

Mae'r rhybudd am eira a rhew mewn grym ar gyfer y siroedd canlynol:

• Blaenau Gwent
• Pen-y-bont ar Ogwr
• Caerffili
• Sir Gaerfyrddin
• Ceredigion
• Conwy
• Sir Ddinbych
• Sir y Fflint
• Gwynedd
• Merthyr Tudful
• Sir Fynwy
• Castell-nedd Port Talbot
• Powys
• Rhondda Cynon Taf
• Abertawe
• Torfaen
• Bro Morgannwg
• Wrecsam

Mae'r rhybudd am rew yn unig mewn grym ar gyfer y siroedd canlynol:

• Pen-y-bont ar Ogwr
• Caerffili
• Caerdydd
• Sir Ddinbych
• Sir y Fflint
• Merthyr Tudful
• Sir Fynwy
• Casnewydd
• Powys
• Rhondda Cynon Taf
• Torfaen
• Bro Morgannwg
• Wrecsam

Llun: Lows Parry / Facebook