Mae'r Swyddfa Dywydd wedi cyhoeddi rhybudd melyn am eira a rhew i ran helaeth o Gymru ddydd Mercher.

Mae'r rhybudd yn berthnasol i siroedd yn y gogledd, y canolbarth a'r gorllewin.

Fe fydd y rhybudd mewn grym o 00:00 fore dydd Mercher tan 12:00.

Fe allai'r tywydd garw effeithio ar amodau teithio ar y ffyrdd ac ar drenau'r ardaloedd dan sylw.

Hefyd fe allai rhew effeithio ar ddiogelwch cerddwyr ar ffyrdd, palmentydd a llwybrau beicio sydd heb eu trin.

Mae'r rhybudd mewn grym ar gyfer y siroedd canlynol:

• Sir Gaerfyrddin
• Ceredigion
• Conwy
• Sir Ddinbych
• Sir y Fflint
• Gwynedd
• Powys
• Wrecsam

Llun: Paul Divall-Simmons