Mae tocynnau ar gyfer gŵyl Glastonbury 2025 wedi gwerthu allan o fewn 35 o funudau.

Dywedodd trefnwyr yr ŵyl yng Ngwlad yr Haf bod nifer fawr o bobl wedi ceisio am docynnau eleni.

Fe aeth y tocynnau ar werth am 09:00 fore Sul, gydag un tocyn yn costio £375.50 a ffi bwcio £5 ar ben hynny.

Ar X (Twitter gynt) diolchodd trefnwyr Glastonbury i bawb oedd wedi prynu tocynnau.

"Mae tocynnau ar gyfer ŵyl Glastonbury 2025 nawr wedi GWERTHU ALLAN. Mae e-byst i gadarnhau eich tocynnau yn cael eu danfon draw.

"Diolch i bawb a brynodd tocynnau bore 'ma ac ymddiheuriadau i bawb a gollodd allan."

Fe aeth tocynnau teithio ar fws yr ŵyl ar werth yn gynharach yr wythnos hon.

Roedden nhw wedi gwerthu allan o fewn hanner awr yn unig.

Llun: Wochit