Bydd becws Carlton yng Nghaernarfon yn cau ei ddrysau am y tro olaf ar 9 Tachwedd. 

Yn ôl y perchnogion, maen nhw wedi penderfynu cau'r safle gyda thristwch "oherwydd amgylchiadau."  

Dywedodd y perchnogion mewn neges ar gyfryngau cymdeithasol eu bod yn "diolch o galon i bawb am eu cefnogaeth ar hyd y blynyddoedd."  

Mae nifer yn ardal Caernarfon wedi mynegi siom a thristwch ar ôl darllen y cyhoeddiad, gan alw'r Carlton yn 'iconic ac yn fusnes teuluol hanesyddol." 

"Busnas arall yn cau yn Caernarfon," meddai un sylw. 

"Byddai ddim yn cael cacan gwstad ac almond tart y tro nesaf y byddaf yn dod i Gaernarfon, mwya'r piti. Y treat am 80 o flynyddoedd,"  meddai un o gwsmeriaid ffyddlon y becws.      

Mae Becws Carlton ar Stryd Bangor yng Nghaernarfon wedi bod yn pobi bara a gwerthu cacennau ers 1922.