Cafodd dyn ei gludo i’r ysbyty yn dilyn gwrthdrawiad rhwng tri cherbyd yng Ngheredigion ddydd Mawrth. 

Fe ddigwyddodd y gwrthdrawiad am tua 17.00 rhwng Renault Kadjar gwyn, Land Rover Discovery lliw aur, a Seat Ibiza gwyn ar ffordd yr A482 ger Ciliau Aeron. 

Cafodd y ffordd ei chau am gyfnod wedi’r gwrthdrawiad. 

Mae Heddlu Dyfed-Powys bellach yn apelio ar lygad dystion neu unrhyw un oedd yn teithio ar hyd y ffordd sydd â delweddau dashcam i gysylltu gyda’r llu.