Cwest yn dyfarnu i Hefin David ladd ei hun
Rhybudd: Mae'r erthygl hon yn trafod hunanladdiad a manylion a allai beri gofid.
Hunanladdiad oedd achos marwolaeth y gwleidydd Llafur Hefin David, yn ôl casgliadau crwner.
Cafodd Mr David ei ddarganfod yn farw yn ei gartref ar 12 Awst y llynedd.
Roedd yn 47 oed ac wedi cynrychioli Caerffili yn y Senedd ym Mae Caerdydd ers 2016.
Wrth ystyried amgylchiadau ei farwolaeth, daeth yr uwch grwner Caroline Saunders i'r casgliad iddo ladd ei hun "drwy grogi" yn ei gartref.
Wrth agor y cwest yn Llys y Crwner Gwent, clywyd mai chwaer Hefin David a wnaeth anabod ei gorff, a hynny ddiwrnod cyn ei ben-blwydd.
Tra'n siarad yn y Senedd wedi marwolaeth Mr David, dywedodd y Prif Weinidog Eluned Morgan ei fod yn "fod dynol rhyfeddol."
Ychwanegodd ei bod yn cydymdeimlo â'i bartner Vikki Howells, Aelod y Senedd dros Gwm Cynon, a'r Gweinidog Addysg Uwch yn Llywodraeth Cymru.
Rhoddodd Pirf Weinidog y Deyrnas Unedig Syr Keir Starmer deyrnged i Mr David hefyd, gan ei ddisgrifio yn "llais grymus ar gyfer pobl Cymru."
Os ydy'r erthygl hon wedi effeithio arnoch chi, mae cymorth ar gael ar wefan S4C Cymorth.
