Mae’r gwasanaeth tân wedi rhybuddio pobl i “gau eu ffenestri a drysau” wedi i lori fynd ar dân ym Mhwllheli.

Fe aeth y lori ar dân tra oedd yn cludo nwyddau i siop yn lleol, medd llefarydd ar ran Gwasanaeth Tân Ogledd Cymru. 

Dywedodd eu bod wedi cael eu galw i’r digwyddiad yn ardal Ffordd Caerdydd Isaf am 8.05 bore Mercher. 

Image

Dywedodd y gwasanaeth tân bod pedwar injan tân yn bresennol, yn ogystal â dwy uned arbenigol. 

Maen nhw’n gofyn i drigolion lleol i gadw eu ffenestri a drysau ar gau. 

Inline Tweet: https://twitter.com/NewyddionS4C/status/1846479122475692369

Mae Ffordd Ala/Ffordd Caerdydd wedi’i chau o achos y digwyddiad, medd Heddlu Gogledd Cymru. 

Mae’r llu yn annog pobl i osgoi’r ardal.