Mae dyn wedi cael ei arestio a'i gyhuddo mewn cysylltiad ag ymosodiad rhyw honedig ar fenyw yng Nghaerdydd. 

Mae Heddlu'r De wedi bod yn ymchwilio i ddigwyddiad o dan y bont reilffordd yn agos at Neuadd Senghenydd a Heol Salisbury yn ardal Y Waun Ddyfal yn y brifddinas ar 12 Mai. 

Mae Fawaz Alsamaou, 32, o Huddersfield yng ngogledd Lloegr wedi cael ei gyhuddo o geisio treisio.

Bydd yn ymddangos yn Llys Ynadon Caerdydd ddydd Llun.