Mae rhybudd melyn am law mewn grym i rannau o'r gogledd ddydd Llun.

Mae'r rhybudd wedi bod mewn grym ers 00:30 ac fe fydd yn parhau tan 20:00.

Daw'r rhybudd wedi penwythnos o gawodydd trwm a gwynt i'r rhan helaeth o Gymru.

Dywed y Swyddfa Dywydd fod posibilrwydd o lifogydd mewn rhai cartrefi a busnesau, gydag oedi i wasanaethau bws a thrên hefyd yn debygol.

Mae disgwyl 20-40mm o law mewn rhai ardaloedd ag hyd at 60mm mewn ardaloedd eraill yn ystod y diwrnod.

Bydd y rhybudd yn effeithio ar y siroedd canlynol:

1. Sir Ddinbych
2. Sir y Fflint
3. Wrecsam