Mae holl docynnau Gŵyl y Dyn Gwyrdd 2025 wedi cael eu gwerthu mewn awr yn unig ddydd Sadwrn. 

Mae’n un o ŵyliau cerddorol a chelfyddydol mwyaf Cymru ac wedi cael ei chynnal ers dros 20 mlynedd.

Fe aeth tocynnau ar gyfer yr ŵyl ar werth am 10:00 fore Sadwrn, gyda'r holl docynnau wedi eu gwerthu erbyn 11:00. 

Inline Tweet: https://twitter.com/GreenManFest/status/1839985402863600004

Roedd hyn yn hanner yr amser a gymerwyd i'r ŵyl werthu allan y llynedd. 

Mae'r ŵyl yn croesawu 25,000 o bobl, ac fe fydd yn dychwelyd i Barc Cenedlaethol Bannau Brycheiniog o 14 i 17 Awst y flwyddyn nesaf.