Mae pobl ifanc wedi cael eu gweld yn curo ac yn cicio'n dreisgar ar ddrysau yn y dref cyn rhedeg i ffwrdd. 

 

Mewn neges ar y cyfnryngau cymdeithasol am yr eilwaith mewn ychydig ddyddiau, dywedodd y llu: "Efallai eich bod chi'n meddwl ei fod yn craze TikTok diniwed ond mae difrodi eiddo a brawychu trigolion yn gwbl annerbyniol.

 

"Mae ein Tîm Cymuned Heddlu yn y Bermo wrthi'n edrych trwy Luniau Teledu Cylch Cyfyng a Ring Doorbell i nodi unrhyw bobl ifanc dan sylw.

 

"Byddem hefyd yn annog pob rhiant i chwarae eu rhan drwy sicrhau eu bod yn gwybod ble mae eu plant a gyda pwy y maent yn treulio amser!"