Digon o heulwen a fawr ddim myfyrwyr oedd ym Mhrifysgol Bangor heddiw.

Bydd hynny'n newid o'r wythnos nesaf 'mlaen.

Dyma ddau sydd 'di achub y blaen a dod yn ôl yn barod.

Er nad oes cyhoeddiad newydd am godi'r ffioedd byddan nhw'n talu sut maen nhw'n teimlo i glywed bod dros 100 o brifysgolion Prydain yn awgrymu bod angen codi'r ffioedd?

"'Sa fo'n gam gwag gan y prifysgolion i wneud hynna.

"Mae £9,000 yn ddigon fel mae hi.

"Bydd gennym ni ddyled pan fyddwn ni'n gadael y Brifysgol yn barod.

"Byddai codi'r ffioedd yna ddim yn gwneud gwahaniaeth i ni gan bod ni wedi cychwyn ar ein cwrs yn barod ond i'r rheiny sy'n meddwl dod i'r Brifysgol o'r Chweched Dosbarth ar draws y wlad.

"Ella fysa hynna'n rhoi nhw ffwrdd."

"'Dan ni'n barod fel Prifysgol wedi gweld llai yma ym Mangor yn dod mis Medi.

"Mae 'na 'chydig o breeder o ran y myfyrwyr Cymraeg.

"Dw i ddim yn gwybod os bydde'r ffioedd uchel yn gwneud i bobl ailystyried."

Fe wnaeth Llywodraeth Cymru godi'r uchafswm ar gyfer ffioedd yn gynharach eleni ac fel all prifysgolion godi hyd at £9,250 y flwyddyn, yr un fath a Lloegr.

Ond mae Corff Prifysgolion Cymru wedi dweud bod costau'n codi yn gyflymach nag incwm, ac oherwydd newidiadau yn y rheolau mewnfudo, mae llai o fyfyrwyr o dramor yn dod yma i astudio bellach.

Ond ai codi ffioedd ydy'r ateb?

"Mae rhai yn deud bydd dyledion o dros £100 miliwn yn y sector addysg uwch yng Nghymru.

"Dydy pethau ddim yn medru aros fel maen nhw.

"Y cwestiwn ydy, ydy codi ffioedd i fyfyrwyr ar adeg pan mae costau byw yn uchel iawn y peth iawn i wneud?

"Mae'n syniad cymryd stepan yn ôl i wneud archwiliad fel dw i wedi bod yn gofyn amdano ers dros naw mis i'r sector addysg uwch yng Nghymru ac edrych be ydy'r peth iawn i'r prifysgolion a'r myfyrwyr sydd yn barod yn mynd i ddyledion mawr ar ôl bod mewn prifysgolion yma yng Nghymru a Lloegr."

Mae nifer y bobl ifanc yng Nghymru sy'n gwneud cais am le prifysgol wedi mynd i lawr fel mae.

Yn ôl y corff sy'n arolygu ceisiadau am lefydd prifysgol rhyw un ym mhob tri o bobl ifanc ifanc 18 oed oedd wedi gwneud cais am le prifysgol erbyn diwedd Mehefin eleni.

A hynny'n cymharu â dros bedwar ym mhob deg ar draws y DU.

Mae Llywodraeth Cymru'n dweud bo nhw'n dal i weithio gyda'r sector i gefnogi addysg uwch a dod o hyd i atebion cynaliadwy.

Bydd y ddau yma'n gobeithio graddio'r haf nesa er y gost o gael astudio.