Mae criw roced SpaceX wedi dychwelyd i’r Ddaear ar ôl pum diwrnod mewn orbit, yn dilyn taith ofod hanesyddol oedd wedi cynnwys taith tu allan i’r llong ofod – yr un masnachol cyntaf y byd.

Fe wnaeth y capsiwl lanio yn y môr oddi ar arfordir Florida fore dydd Sul.

Dywedodd asiantaeth ofod America, Nasa fod yr alldaith yn cynrychioli “cam enfawr ymlaen” i’r diwydiant gofod masnachol.

Fe deithiodd y tîm sifil o bedwar aelod, oedd yn cael eu hariannu a'u harwain gan y biliwnydd Jared Isaacman, ymhellach i'r gofod nag unrhyw fodau dynol am fwy na 50 mlynedd.

Roedd Scott Poteet, cyn-beilot llu awyr America, a gweithwyr SpaceX Sarah Gillis ac Anna Menon hefyd ar y criw.

Mr Isaacman a Ms Gillis yw'r criw di-broffesiynol cyntaf i deithio tu allan i long ofod.

Llun: X/SpaceX