Bydd ymgyrchydd gwrth-hiliaeth o Gaerdydd yn sefyll ei phrawf y flwyddyn nesaf wedi ei chyhuddo o gefnogi Hamas.

Roedd Kwabena Devonish, 26 oed o Bentre-Baen, wedi gwneud y datganiad honedig yn Nhŷ William Morgan, sef canolbwynt adrannau’r Llywodraeth, yn Sgwâr Canolog, Caerdydd, ar 11 Tachwedd y llynedd.

Mae Ms Devonish wedi gwadu'r cyhuddiadau yn ei herbyn.

Fe ymddangosodd yn yr Old Bailey ddydd Gwener.

Bydd yn ymddangos nesaf yn Llys y Goron Bryste ar 17 Ionawr.

Mae dyddiad ar gyfer ei hachos llys wedi'i bennu ar gyfer 18 Awst y flwyddyn nesaf yn yr un llys.