Boed i goleg neu waith.

Mae'r brifddinas wedi denu pobl i ail-leoli ers blynyddoedd.

Yn ôl arolwg newydd, Caerdydd ydy'r lle mwyaf poblogaidd i bobl brynu eu tŷ cyntaf yng Nghymru.

Mae 59% o dai gafodd eu prynu yma yn y brifddinas y llynedd yn rhai gafodd eu prynu gan brynwyr tro cynta.

Mae hynny'n dod am bris.

Dros £225,000 ar gyfartaledd.

Parhau i gynyddu mae prisiau tai ar draws Cymru hefyd a bellach 5.5% yn uwch na'r un adeg llynedd.

"Be 'dan ni di gweld ydy sefydlogi o ran y diddordeb yn yr eiddo.

"Mae costau neu brisiau yn dal i godi ac mae hwnna yn adlewyrchu'r diffyg cyflenwad sydd 'na yng Nghymru a drwyddi draw yn y Deyrnas Gyfunol."

Breuddwyd ydy cael tŷ i nifer o bobl ifanc ond pam fod Caerdydd yn apelio cymaint i rai sy'n trio cael tŷ am y tro cyntaf?

"Mae nifer o ffactorau.

"Mae 'na ddigon o swyddi a chyfleoedd i bobl ac hefyd yn gallu cynnig yr elfen gymdeithasol mae pobl ifanc yn ei dymuno."

Ond i Gareth Jones sydd yn ei drydedd flwyddyn mae prynu tŷ yn teimlo'n bell o'i afael.

"Mae'n cael tipyn o effaith yn ariannol gyda phrisiau bwyd a chostau byw yn mynd lan.

"Ni'n gweld ym mis Hydref bydd prisiau trydan yn mynd lan eto.

"Bydd yn anodd.

"Falle bydd rhaid rhentu am lot fwy o flynyddoedd sy ddim yn ideal chwaith achos chi moyn mynd ar y property ladder mor gynnar â phosib.

"Mae'n mynd i fod yn anodd iawn gyda fel mae prisiau tai yn mynd nawr."

I fyfyrwyr Caerdydd mae rhent blynyddol bellach dros £6,600.

"Mae hwn yn ffigwr sydd eto'n adio at y baich o ran pa mor ddrwg yw'r sefyllfa.

"Dydy o ddim byd newydd, mae pawb yn gwybod pa mor ddrwg ydy o.

"Mae gennym undebau ar draws Cymru sy'n rhoi cefnogaeth i fyfyrwyr.

"Cefnogaeth o ran cyngor am bwy i fynd at os oes problemau sydd angen eu sortio ar frys."

I brynwyr tro cyntaf gall bod yn agored i ail-leoli arwain at opsiynau mwy fforddiadwy ond wrth i brisiau gynyddu a fydd apêl y brifddinas yn parhau i ddenu?