Mae Heddlu'r Gogledd yn ymchwilio i farwolaeth dyn 67 oed yn ardal y Bala. 

Cafodd yr heddlu eu galw i fferm yn yr ardal am 20:50 ddydd Mercher. 

Yn ôl adroddiadau lleol, enw'r dyn a fu farw oedd Islwyn Owen, ac roedd yn byw ym mhentref Llanycil.

Dywedodd y Ditectif Brif Arolygydd, Andy Gibson: "Rydym ni'n gweithio ar y cyd gyda'r Awdurdod Gweithredol Iechyd a Diogelwch (HSE) er mwyn darganfod amgylchiadau’r digwyddiad, ac rydym ni’n trin y farwolaeth fel un anesboniadwy ar hyn o bryd. 

"Mae’r Crwner lleol wedi cael gwybod."

Mae'r llu yn gofyn i bobl barchu preifatrwydd y teulu yn ystod y cyfnod anodd hwn.