Tân mewn bloc o fflatiau yn Llundain oriau wedi tân mewn adeilad tebyg arall
26/08/2024
Tân mewn bloc o fflatiau yn Llundain oriau wedi tân mewn adeilad tebyg arall
Oriau wedi i dân gynnau mewn bloc o fflatiau yn Dagenham, Llundain, cynheuodd tân arall mewn bloc o fflatiau ar safle arall yn nwyrain y ddinas brynhawn Llun.
Cafodd tua 70 o ddiffoddwyr a 10 injan dân ei galw i'r adeilad yn Blackwall, yn ôl Gwasanaeth Tân Llundain.
Roedd fflamau i'w gweld yn ymledu mewn fflat a balconi ar lawr 25 y bloc o fflatiau yng nghoedlan Biscayne.
Cafodd pobl leol gyngor i gadw eu ffenestri a'u drysau ar gau oherwydd fod mwg yn ymledu o'r safle.
Llwyddodd criwiau tân i reoli'r fflamau erbyn 3 o'r gloch brynhawn Llun.
Yn ôl y gwasanaeth tân, daeth galwad am 1.28, a rhuthrodd criwiau o Millwall, Plaistow, Shadwell a rhai gorsafoedd eraill yno.
Llwyddodd criwiau tân i reoli'r fflamau erbyn 3 o'r gloch.
Chafodd neb ei anafu.
Dyw hi ddim yn glir eto beth achosodd y tân.
