Yr heddlu'n apelio am wybodaeth ar ôl i gerbyd daro rhedwraig ym Mro Morgannwg
23/08/2024
Mae Heddlu'r De yn apelio am wybodaeth yn dilyn gwrthdrawiad ym Mro Morgannwg rhwng rhedwraig a cherbyd.
Rhwng 17.55 a 18.10 ar ddydd Mercher 14 Awst, roedd dynes 36 oed yn rhedeg ar hyd lôn rhwng Maes Carafanau a Gwersylla Happy Jakes a'r ffordd ogleddol i Sain Tathan ger Parc Carafanau Millands pan gafodd ei tharo gan gerbyd ac ni stopiodd y gyrrwr i'w helpu.
Fe wnaeth y ddynes ddioddef "anafiadau sylweddol" er nad ydyn nhw'n cael eu disgrifio fel rhai sy'n newid ei bywyd.
Mae'r heddlu yn galw ar unrhyw un sydd â gwybodaeth i gysylltu â nhw gan ddyfynnu'r cyfeirnod 2400272557.
Maen nhw'n credu y byddai gan y car "ddifrod amlwg".
Llun: Google Maps
