Dyma ni yn Woodley Chase.

Camau cyntaf her Huw Jones i redeg pum marathon mewn pum niwrnod er mwyn codi ymwybyddiaeth o glefyd motor niwron.

Mae chwaer-yng-nghyfraith i, Bridget yn dioddef o gyflwr MND.

O'n i'n moyn wneud rhywbeth i godi ymwybyddiaeth a chodi arian.

Fel rhywun sydd 'di bod ynghlwm gyda rygbi ers yn blentyn bach iawn o'dd y ddau peth yn cysylltu'n dda gyda'i gilydd.

Fi just yn credu mae fe'n gyflwr mor greulon ac un sydd angen codi ymwybyddiaeth amdano fe.

Taith o 130 o filltiroedd yw hi gan ddechrau ym Marfod ger Wrecsam lle gafodd Bridget ei magu ac yn gorffen ym Machen Isaf, cartref ei rhieni heddiw.

Mae hi mor positif am bopeth a just yn brwydro mor galed am bopeth.

Mae'r meddylfryd sydd gyda hi yn ysbrydoliaeth i ni yn ddyddiol.

Unrhyw beth... mae unrhyw beth yn mynd bach yn galed fi'n meddwl am bopeth mae hi'n mynd trwy pob dydd.

Dyw e'n ddim byd i gymharu a hwnna.

Hi yw'r ysbrydoliaeth dros wneud hwn.

Yn ol Cymdeithas Clefyd Motor Niwron mae 5,000 o oedolion yn dioddef o'r clefyd ar draws y Deyrnas Unedig ar unrhyw adeg.

Y risg o berson yn datblygu MND yw un ym mhob 300.

Gobaith Huw yw codi ymwybyddiaeth o'r clefyd a'r angen am fwy o ymchwil i ddarganfod gwellhad.

Chi'n gweld bod pethau o'dd hi'n gallu gwneud y tro diwethaf... dyw hi ddim yn gallu gwneud y tro yma.

Mae e jyst yn... ie, mae e'n rili anodd i weld rhywun sy'n rili agos i chi yn mynd trwy hwnna.

O'dd hi'n galluog iawn ac yn gallu cael sgyrsiau rili dwfn am lot o bethau gwahanol gyda hi.

A hwnna sy'n anodd wedyn.

Erbyn nawr, dyw hi ddim yn gallu cyfathrebu rhagor yn geiriol.

Ei ysbrydoliaeth yw cryfder a dygnwch ei chwaer-yng-nghyfraith.

Ers i hwn ddigwydd, she's a warrior.

Mae hi just mor... ie, sori.

Mae hi mor benderfynol bod hi'n mynd i wneud popeth mae hi'n gallu i ymladd hwn.

Dyna beth sy'n ysbrydoli fi yn ddyddiol.