Mae Heddlu Gwent yn apelio am wybodaeth yn dilyn marwolaeth menyw mewn gwrthdrawiad ger Magwyr yng Nghasnewydd yn oriau mân fore dydd Mercher.

Digwyddodd y gwrthdrawiad un car, Skoda Kamiq du, toc ar ôl 12:05 fore ar yr B4245, rhwng Magwyr a Langstone.

Bu farw teithiwr yn y car, menyw 24 oed o Gasnewydd, yn y fan a’r lle. 

Mae ei theulu cael gwybod a mae nhw'n cael cymorth gan swyddogion arbenigol.

Dywedodd Heddlu Gwent bod gyrrwr y car, dyn 34 oed o Gasnewydd, wedi’i arestio ar amheuaeth o achosi marwolaeth drwy yrru’n beryglus. Mae'n parhau yn y ddalfa.

Cafodd dynes arall oedd yn teithio yn y car ei chludo i’r ysbyty gydag anafiadau. Ond dyw ei bywyd hi ddim mewn perygl.
Mae'r llu yn gofyn i unrhyw un sydd â gwybodaeth i gysylltu â nhw gan nodi cyfeirnod 2400263107.