Mae’r heddlu yn ymchwilio wedi i ddyn farw mewn gwrthdrawiad ar yr A470 brynhawn Sul.

Digwyddodd y gwrthdrawiad rhwng Land Rover Defender a beic modur coch Ducati tua 16.40 ddydd Sul, rhwng Rhaeadr a Llangurig.

Bu farw gyrrwr y beic modur yn y fan a'r lle.

Mae ei deulu agosaf wedi cael gwybod ac maen nhw’n cael eu cefnogi gan swyddogion arbenigol.

Cafodd y ffordd ei chau a’i hailagor tua 2.30 ddydd Llun.

Hoffai swyddogion siarad ag unrhyw fodurwyr a oedd yn yr ardal bryd hynny oedd â chamera cerbyd yn eu cerbydau.