Y Neuadd Fwyd yn orlawn o hufen iâ a chig i rywbeth cryfach.

Mae 'na gynnyrch at ddant pawb.

I'r busnesau, cyfle i ddal sylw ymwelwyr a phrynwyr masnachol.

"Yn y ddwy flynedd ddiwethaf, ni'n allforio mas i America.

"Ni 'di wneud cysylltiadau da yn y Sioe ac mae Llywodraeth Cymru efo cysylltiadau hefyd.

"Mae pobl tramor yn dod 'ma sy'n prynwyr i countries eraill hefyd."

Yng nghegin y cartref wnaeth y cwmni yma ddechrau yn 2016.

Bellach, wedi sefydlu dau gaffi a nifer o wobrau i'w henw.

Mae eu cynnyrch nawr ar gael mewn siopau byd-enwog.

"Ar y funud, mae'n caramel range ni i gyd yn cael ei gwerthu yn Harrods.

"Mae'n big name drop i ni a ni'n browd o hwnna.

"Mae granola ni'n cael ei gwerthu yn Selfridges hefyd.

"Two big names!"

A hynny oherwydd dod i sioeau fel hyn a gwneud y berthynas 'na.

"Ni'n cwrdd â phobl sy'n prynu stwff ni.

"Mae'n helpu bridgo'r gap.

"Bydden ni ddim yn cwrdd â nhw os nad ydynt yn dod i'r Sioe.

"Mae'n helpu lot."

Yma yn y Lolfa Fusnes, mae 'na 300 o gynhyrchwyr yn arddangos a 360 o brynwyr yn ymweld â'r ystafell yma yn ystod y Sioe.

Gobaith Llywodraeth Cymru oedd cynyddu gwerth y sector sylfaen bwyd i £8.5 biliwn erbyn 2025.

Y llynedd, roedd gan y sector y busnesau sy'n cynhyrchu, prosesu a chyfanwerthu bwyd a diod drosiant o £9.3 biliwn felly'r targed wedi'i gyrraedd dwy flynedd yn gynnar.

"Mae hwn yn ffenestr siop i Gymru, Prydain ac i Ewrop hefyd.

"'Dan ni 'di dechrau gwerthu yn y Middle East ac yn y blaen.

"Yn aml, welwch chi brynwr yn dod i'r Sioe achos mae'n un o'r sioeau blaenllaw yn Ewrop a mae hyn yn rhywbeth fedrwn ni fod a hyder a balchder ynddo fo."

Mae'r diwydiant bwyd a diod ar 'i fyny yng Nghymru yn ôl y ffigyrau.

A'r cwsmeriaid, fel y cynhyrchwyr, wedi cael gwir flas ar y Sioe.