Mae dyn wedi wedi cael ei gyhuddo o geisio llofruddio wedi i filwr gael ei drywanu yng Nghaint.

Cafodd Anthony Esan, 24, ei gyhuddo wedi'r ymosodiad yng ngerddi Sally Port yn Chatham ddydd Mawrth.

Digwyddodd yr ymosodiad honedig ger cartref y milwr yn Barics Brompton ychydig cyn 18:00.

Cafodd Esan ei arestio am tua 18:30 ar yr un noson ger ei gartref yn Rochester yn ôl yr heddlu. 

Mae hefyd wedi cael ei gyhuddo o fod ag arf yn ei feddiant mewn man cyhoeddus.

Dywedodd yr heddlu fod y milwr wedi cael ei gludo i'r ysbyty am driniaeth, ac ei fod ar hyn o bryd mewn cyflwr difrifol ond sefydlog. 

Cafodd Esan ei gadw yn y ddalfa yn dilyn y gwrandawiad yn Llys Ynadon Medway.

Llun: PA