Milwr mewn cyflwr difrifol ar ôl cael ei drywanu
Mae milwr Prydeinig yn yr ysbyty gydag anafiadau difrifol ar ôl cael ei drywanu yng Nghaint.
Fe wnaeth yr heddlu ymateb ar ôl cael eu galw i “ymosodiad difrifol” ar ddyn yn ei 40au toc cyn 18:00 nos Fawrth mewn stryd yn Gillingham.
Cafodd dyn 24 oed ei arestio ar amheuaeth o lofruddiaeth yn ddiweddarach.
Dywed yr heddlu nad ydynt yn credu bod yr ymosodiad yn gysylltiedig â therfysgaeth, a bod yn dyn sydd yn gyfrifol yn dioddef gyda phroblemau iechyd meddwl.
Mae’r stryd lle y cafodd y milwr ei drywanu yn agos i farics Brompton, sef pencadlys Ysgol Frenhinol Catrawd Peirianwyr y Fyddin.
Cafodd y milwr ei anfon i’r ysbyty ac mae mewn cyflwr difrifol.
Dywedodd llefarydd ar ran y fyddin: “Mae’n ddrwg iawn gennym gadarnhau bod milwr wedi cael anafiadau difrifol mewn ymosodiad yn Chatham, Caint.
“Mae ein meddyliau gyda’r milwr a’u teulu a gofynnwn i’w preifatrwydd gael ei barchu ar yr amser anodd hwn.”
Ychwanegodd: “Byddwn ni’n parhau i weithio’n agos gyda Heddlu Caint i ddeall beth ddigwyddodd a chefnogi’r ymchwiliad.
“Dylai unrhyw un a welodd yr ymosodiad neu sydd ag unrhyw wybodaeth berthnasol gysylltu â Heddlu Caint.”
Dywedodd y Prif Weinidog, Syr Keir Starmer, fod y digwyddiad wedi ei “syfrdanu a’i arswydo”.
Llun: Gareth Fuller/PA