Mae dyn 60 oed wedi marw yn dilyn gwrthdrawiad ym Mhowys.

Cafodd y gwasanaethau brys eu galw i ffordd yr A470, ger Y Bontnewydd-ar-Wy, am 16.50 ddydd Gwener 19 Gorffennaf.

Bu farw gyrrwr beic modur yn y digwyddiad. 

Mae teulu’r dyn wedi cael gwybod ac yn derbyn cefnogaeth gan swyddogion arbenigol Heddlu Dyfed Powys.

Roedd y ffordd wedi’i chau am oriau wrth i ymchwiliad gael ei gynnal.

Cafodd un person ei arestio mewn cysylltiad â’r digwyddiad.

Dywedodd llefarydd ar ran y llu: “Hoffai swyddogion sydd yn ymchwilio glywed gan unrhyw un oedd yn teithio ar yr A470 rhwng Y Bontnewydd-ar-Wy a Lanwrthwl ar yr adeg honno a allai fod wedi gweld y digwyddiad.

"Mae swyddogion yn awyddus i glywed gan unrhyw yrwyr a all hefyd fod â chamera dash cam yn eu cerbydau.”

Llun: Google Maps