Mae un person wedi marw ac un arall yn yr ysbyty gydag anafiadau difrifol wedi gwrthdrawiad rhwng tri cherbyd yn Sir Gaerfyrddin ddydd Gwener.

Digwyddodd y gwrthdrawiad ar ffordd tua’r dwyrain yr A48 ger Foelgastell, rhwng Cross Hands a Llanddarog.

Mae'r A48 rhwng Cross Hands a Llanddarog yn parhau i fod ar gau, tua'r dwyrain a thua'r gorllewin, meddai’r heddlu brynhawn Gwener.

“Rydyn ni’n cynghori gyrwyr i osgoi'r ardal gan ein bod ni’n rhagweld y bydd y ffordd yn parhau ar gau am beth amser,” medden nhw.

“Mae dargyfeiriadau ar waith, ond rydyn ni’n rhagweld traffig ac oedi hir.

“Byddwn yn diweddaru ein cyfryngau cymdeithasol unwaith y bydd wedi ailagor.”