Mae dau ddyn wedi cael eu harestio wedi ymosodiad difrifol yn Abertawe yn oriau mân fore Mercher. 

Dywedodd Heddlu De Cymru fod yr ymosodiad wedi digwydd ar Ffordd y Dywysoges yn y ddinas. 

Mae un dyn wedi cael ei gludo i'r ysbyty mewn cyflwr sydd yn peri 'perygl i'w fywyd'.

Mae dyn 26 oed o Frome, Gwlad yr Haf, wedi cael ei arestio ar amheuaeth o achosi niwed corfforol difrifol. 

Mae dyn 27 oed o Gaerfaddon wedi cael ei arestio ar amheuaeth o anafu gyda bwriad. 

Mae'r ddau ar hyn o bryd yn parhau yn y ddalfa. 

Mae ardal o Ffordd y Dywysoges wedi cael ei chau wrth i archwiliad fforensig gael ei gynnal.