Mae’r heddlu yn apelio am lygad dystion yn dilyn digwyddiad casineb honedig ar sail hil ym Mangor fis diwethaf. 

Mae swyddogion yn credu bod dau unigolyn oedd yn cerdded ar hyd y stryd fawr yn y ddinas rhwng 19.00 a 20.00 ar nos Fercher 6 Mehefin wedi cael eu targedu ar sail hil. 

Fe wnaeth pobl oedd yn teithio mewn car Audi llwyd weiddi a thaflu gwrthrychau tuag atyn nhw, ychwanegodd y llu. 

Cafodd dynes 22 oed ei harestio ar amheuaeth o ymosod ac aflonyddu ar sail hiliaeth wedi’r digwyddiad, cyn cael ei rhyddhau ar fechnïaeth gydag amodau. 

Mae’r heddlu bellach yn credu bod rhagor o bobl yn teithio gyda’r ddynes yn y car ac maen nhw’n apelio ar unrhyw un oedd yn bresennol i gysylltu gyda nhw. 

Mae nhw hefyd annog unrhyw sydd â lluniau neu gynnwys fideo o’r digwyddiad i gysylltu gan ddyfynnu’r cyfeirnod 24000505824.