Mae disgwyl Senedd grog yn Ffrainc ar ôl canlyniadau annisgwyl yn ail rownd y pleidleisio ddydd Sul.

Methodd yr un blaid a chael mwyafrif digonol i reoli.

Roedd yr asgell dde yn gobeithio am fuddugoliaeth hanesyddol ond dyw hyn ddim wedi digwydd.

Mae'r canlyniad yn dangos buddugoliaeth i gynghrair y chwith a chynghrair Ensemble yr Arlywydd Emmanuel Macron yn ail.

Trydydd ddaeth le Rassemblement National (RN)- plaid asgell dde eithafol Marine Le Pen.

Roedd Macron wedi galw'r etholiad brys fis yn ôl, ac roedd plaid Marine Le Pen ar y blaen yn dilyn rownd gyntaf y pleidleisio.

Ond bellach mae'r blaid asgell chwith New Popular Front (NFP) wedi hawlio buddugoliaeth. 

Fe wnaeth Jean-Luc Melenchon draddodi araith yn fuan ar ôl i’r blychau pleidleisio gau, gan alw’r canlyniadau yn “rhyddhad aruthrol i fwyafrif o bobl ein gwlad.”

Dyw Macron heb roi sylw ers i'r canlyniadau gael eu cyhoeddi ac mae disgwyl i'r gweddill ddod yn hwyrach yn y dydd.