Mae'r heddlu wedi gwneud apêl am wybodaeth wedi ymosodiad honedig mewn canolfan chwarae yng Ngwynedd.

Fe ddigwyddodd yr ymosodiad honedig yn Yr Hwylfan yng Nghaernarfon ar 28 Mai am tua 13:30.

Mae'r llu yn awyddus i siarad ag un dyn yn benodol mewn cysylltiad â'r digwyddiad.

Mae'r heddlu wedi gofyn i unrhyw un sydd â gwybodaeth i gysylltu â nhw drwy ffonio 101, gan ddyfynnu’r rhif 24000479515.

Image