Newyddion S4C

Heddlu'n ymchwilio wedi i ddyn farw mewn gwrthdrawiad yn Sir Gâr

20/06/2024
Ffordd Yspitty, Brynea

Mae Heddlu Dyfed-Powys yn ymchwilio ar ôl i ddyn farw mewn gwrthdrawiad yn Sir Gâr ddydd Sul.

Cafodd gwasanaethau brys eu galw i Ffordd Yspitty ym mhentref Bynea ger Llanelli am tua 14.45 ddydd Sul ar ôl i feic modur melyn Daytona Triumph wrthdaro â'r ynys ganolog.

Bu farw gyrrwr y beic modur yn y fan a'r lle.

Mae teulu'r dyn wedi cael gwybod ac yn cael eu cefnogi gan swyddogion arbenigol.

Mae'r heddlu yn apelio ar unrhyw un a welodd y gwrthdrawiad neu sydd â fideo dashcam i gysylltu â nhw.

Dylai unrhyw un sy'n cysylltu ddefnyddio'r cyfeirnod 24*533356.

Llun: Google Maps

 
 

 

Newyddion diweddaraf

Mae'r wefan hon yn defnyddio cwcis i sicrhau eich bod chi'n cael y profiad gorau ar ein gwefan.