Fe wnaeth cemegau ollwng ar reilffordd fore Mercher gan effeithio ar wasanaethau Trafnidiaeth Cymru.

Dywedodd National Rail eu bod nhw wedi cael gwybod am y digwyddiad ger Crewe am 5.51 y bore.

Cafodd gwasanaethau Trafnidiaeth Cymru eu heffeithio yn ogystal ag Avanti West Coast, CrossCountry, East Midlands Railway, London Northwestern Railway, a Northern.

Cafodd rhai gwasanaethau eu canslo ac eraill eu hoedi.

Dywedodd National Rail bod y rheilffordd wedi ail-agor am 7.34 ar ôl iddyn nhw archwilio’r traciau.

Dywedodd cyfarwyddwr Network Rail ar gyfer y Gogledd Orllewin, Paul Owen: “Rydym yn gweithio’n agos gyda’r gwasanaethau brys a chwmnïau  trenau yn dilyn digwyddiad yn ymwneud â thrên nwyddau.

“Ein blaenoriaeth yw sicrhau bod gwasanaethau yn ddiogel bob amser i helpu teithwyr a defnyddwyr nwyddau i gyrraedd lle maen nhw eisiau mynd.

“Tra bod y rhwydwaith trwy ardal Crewe wedi’i adfer, rydyn ni’n annog pobl i wirio’r wybodaeth deithio ddiweddaraf gyda’u gweithredwr trenau neu National Rail Enquiries.”