Newyddion S4C

Heddlu Hamburg yn saethu person ger safle Euro 2024

16/06/2024
Heddlu Hamburg

Mae heddlu Hamburg wedi saethu person ar ôl i'w swyddogion gael eu bygwth â bwyell ger safle Euro 2024.

Fe wnaeth y digwyddiad gymryd lle am 12:30 yn ardal St Pauli o'r ddinas Almaeneg brynhawn Sul.

Roedd yr Iseldiroedd yn chwarae Gwlad Pwyl yn stadiwm y Volksparkstadion gerllaw am 14:00.

Mewn datganiad, dywedodd Heddlu Hamburg: "Ar hyn o bryd, mae ymgyrch fawr gan yr heddlu yn St Pauli. Yn ôl y canfyddiadau cychwynnol, roedd person yn bygwth swyddogion heddlu gyda bwyell a dyfais losgi. Yna defnyddiodd yr heddlu eu drylliau.

"Cafodd yr ymosodwr ei anafu ac mae'n derbyn triniaeth feddygol."

Roedd tua 40,000 o bobl wedi teithio i'r ddinas ar gyfer y gêm.

 

 
 

Newyddion diweddaraf

Mae'r wefan hon yn defnyddio cwcis i sicrhau eich bod chi'n cael y profiad gorau ar ein gwefan.