Newyddion S4C

Cyn-ymosodwr Caerdydd, Kevin Campbell, wedi marw yn 54 oed

15/06/2024
Kevin Campbell / CPD Dinas Caerdydd

Mae cyn-ymosodwr Clwb Pêl-droed Dinas Caerdydd wedi marw yn 54 oed.

Roedd Kevin Campbell wedi cael ei anfon i'r ysbyty fis diwethaf gyda sepsis.

Roedd y gŵr o Lundain yn adnabyddus fel blaenwr i dimau Arsenal ac Everton.

Ond bu'n chwarae i Glwb Pêl-droed Dinas Caerdydd am flwyddyn ar ddiwedd ei yrfa.

Fe sgoriodd Campbell 148 gôl mewn 542 gêm yn ystod ei yrfa 20 mlynedd.

Ar ôl iddo ymddeol o bêl-droed, roedd wedi dod yn wyneb cyfarwydd fel sylwebydd ar Sky Sports.

Mewn datganiad, dywedodd Clwb Pêl-droed Dinas Caerdydd: "Mae pob un ohonom yn Dinas Caerdydd yn drist iawn o glywed am farwolaeth y cyn-ymosodwr, Kevin Campbell. 

"Mae meddyliau pawb yn y clwb gyda ffrindiau a theulu Kevin ar yr amser hynod anodd hwn. Gorffwysa mewn hedd, Kevin."

Llun: Clwb Pêl-droed Dinas Caerdydd

Newyddion diweddaraf

Mae'r wefan hon yn defnyddio cwcis i sicrhau eich bod chi'n cael y profiad gorau ar ein gwefan.