Pryderon fod cannoedd wedi marw mewn tirlithriad ym Mhapua Gini Newydd
Mae’r gwasanaethau brys ym Mhapua Gini Newydd yn ofni fod cannoedd o bobl wedi marw yn dilyn tirlithriad enfawr yn rhanbarth Enga yn y wlad.
Mae timoedd achub wedi teithio i’r ardal anghysbell, yn ôl asiantaeth ddyngarol Care Australia.
Mae tirwedd anodd a difrod i ffyrdd yn yr ardal yn amharu ar yr ymdrechion i achub y bobl yno gyda mynediad trwy ddefnyddio hofrenyddion yn unig yn bosib.
Fe wnaeth y tirlithriad orchuddio cannoedd o dai yn Enga sydd yng ngogledd yr ynys ac nid oes gwybodaeth am faint o bobl sydd wedi eu heffeithio.
Dywedodd Care Australia: “Er nad yw’r ardal yn ddwys o ran poblogaeth ein pryder yw bod nifer y marwolaethau yn uchel serch hynny."
Yn ôl adroddiadau roedd maint y tirlithriad tua maint tri neu bedwar o gaeau pêl-droed.
Llun: Wochit