Athrawes yn euog o gael rhyw gyda dau fachgen ysgol
Mae athrawes wedi ei chael yn euog o gael rhyw gyda dau fachgen ysgol.
Roedd Rebecca Joynes, 30, wedi cymryd mantais o'r bechgyn o pan oeddynt yn 15 oed, ac roedd ar fechnïaeth am weithredoedd rhyw gyda'r plentyn cyntaf, Bachgen A, pan ddechreuodd gael rhyw gyda'r ail blentyn, Bachgen B.
Clywodd Llys y Goron Manceinion bod Joynes yn feichiog ar ôl cael cyfathrach gyda Bachgen B.
Fe gafwyd yr athrawes yn euog o chwe chyhuddiad o gymryd rhan mewn gweithgaredd rywiol â phlentyn, yn cynnwys dau pan oedd yn berson mewn safle o ymddiriedaeth.
Wrth i'r dedfrydau euog gael eu cyhoeddi, dechreuodd Rebecca Joynes ysgwyd wrth sefyll yn y doc ar ddiwedd achos oedd wedi para am bythefnos.
Ni chafwyd unrhyw ymateb gan ei rhieni yng ngaleri'r cyhoedd, ond daeth bloedd dawel o gyfeiriad rhieni'r bechgyn.
Diolchodd y Barnwr aelodau'r rheithgor gan ychwanegu y byddai angen adroddiadau ar y diffynydd cyn cyhoeddi'r ddedfryd ym mis Gorffennaf.
Cafodd Joynes ei rhyddhau ar fechnïaeth ond fe gafodd rybudd gan y barnwr: "Mae babi yn yr achos yma sydd heb wneud dim o'i le ac yn gwbl ddiniwed o unrhyw gam ac fe fyddwch yn amlwg am ei gweld cyn y ddedfryd, rwyf yn deall hynny.
"Ond mae'n rhaid i chi sylweddoli'n llawn beth fydd yn digwydd ar Orffennaf y pedwerydd."