Mae rhybudd melyn am law ar gyfer nifer o siroedd yn ne Cymru ddydd Llun.

Fe fydd y rhybudd yn dod i rym am 08:00 ddydd Llun ac yn aros mewn lle tan 23:59.

Mae'r Swyddfa Dywydd yn rhybuddio y gall llifogydd ar y ffyrdd amharu ar gynlluniau teithwyr.

Hefyd mae perygl o lifogydd mewn tai a busnesau mewn mannau.

Dyma restr o'r siroedd sydd yn cael eu heffeithio:

• Abertawe
• Blaenau Gwent
• Bro Morgannwg
• Caerdydd
• Caerffili
• Casnewydd
• Castell-nedd Port Talbot
• Merthyr Tudful
• Penybont-ar-Ogwr
• Powys
• Rhondda Cynon Taf
• Sir Fynwy
• Sir Gaerfyrddin
• Torfaen