Mae o leiaf 300 o bobl wedi marw mewn llifogydd yn dilyn glaw tymhorol trwm yn Affganistan.

Mae cartrefi wedi eu dinistrio gan adael miloedd o bobl heb loches ac mae cyflenwadau dŵr a chysylltiadau trafnidiaeth wedi eu heffeithio.

Mae hofrenyddion yn helpu symud y bobl sydd wedi eu heffeithio a rhoi cyflenwadau o fwyd a dŵr iddyn nhw.

Rhanbarthau Baghlan, Takhar a Badakhshan yng ngogledd y wlad sydd wedi eu heffeithio fwyaf gan y llifogydd.

Dywedodd rhaglen fwyd y byd (World Food Programme) sy’n gweithredu yn Affganistan fod dros 300 o bobl wedi marw yn y llifogydd hyd yn hyn.

Mae’r wlad yn dal i geisio dygymod ag effaith daeargrynfeydd ar ddechrau’r flwyddyn a llifogydd ym mis Mawrth.

Llun: Wochit