Dadorchuddio plac newydd er cof am Phil Bennett yn Llanelli
Mae Cyngor Sir Caerfyrddin wedi dadorchuddio plac newydd er cof am Phil Bennett yn Llanelli.
Mae'r plac wedi ei leoli ar y bont i gerddwyr a beicwyr yn Llanelli ac yn "anrhydeddu cyflawniadau chwaraeon arbennig Bennett yn ogystal â chydnabod ei gyfraniadau sylweddol i'r gymuned a oedd yn gartref iddo," meddai'r cyngor.
Bu farw Bennett ar 12 Mehefin y llynedd yn 73 oed.
Mae'n cael ei gofio fel un o'r chwaraewyr rygbi gorau yn hanes Cymru.
Roedd y gŵr o Felin-foel yn rhan allweddol o fuddugoliaeth gofiadwy Llanelli o 9-3 dros Seland Newydd ym Mharc y Strade yn 1972.
Fe enillodd 29 o gapiau i Gymru, gan ymuno â'r Llewod yn ystod eu teithiau yn 1974 a 1977.
Mae dadorchuddio Carreg Goffa Phil Bennett ar y bont yn nodi'r drydedd gofeb wedi'i gysegru iddo yn Llanelli.
'Dathlu arwyr'
Dywedodd y Cynghorydd Edward Thomas, Aelod Cabinet Cyngor Sir Caerfyrddin bod y cyngor yn falch o ddadorchuddio'r plac.
"Mae Cyngor Sir Caerfyrddin yn hynod falch o anrhydeddu Phil Bennett, un o gewri byd rygbi Cymru, drwy ddadorchuddio'r plac newydd hwn er cof amdano.
“Wrth goffáu Phil Bennett a'r hyn mae wedi'i roi i ni, rydym yn cadarnhau ein hymrwymiad i feithrin cymuned sy'n gwerthfawrogi ac yn dathlu ei harwyr chwaraeon."
Llun: Asiantaeth Huw Evans/Cyngor Sir Caerfyrddin